Dan Kerschen
Dan Kerschen

Familljemënsch

Enseignant

Basketspassionéierten

Dan Kerschen
Dan Kerschen

Familljemënsch

Enseignant

Basketspassionéierten

Menu

Iwwer den Dan

Interviewer: Moien, Dan! Kënnts du dech kuerz virstellen?
Moien! Ech sinn den Dan Kerschen, e passionéierte Familljemënsch, Enseignant an Arbitter. Ech sinn zënter 2007 glécklech mam Nathalie bestuet. Hat huet zu Contern säi Kinésithérapie-Kabinet (kinecontern.lu), wou si zu 7 mat vill Häerzblutt schaffen.
Mir hunn dräi wonnerbar Kanner: de Philippe, d’Céline Audrey Emilie an d’Marie Hailey. 👨‍👩‍👧‍👦 Si sinn de Mëttelpunkt vun eisem Liewen a maachen all Dag spannend.
Nieft der Famill spillt och mäi Beruff eng grouss Roll, an natierlech Basketball, deen e wichtegen Deel vu mengem Liewen ass.
Ech hunn bal 20 Joer als Enseignant am Lycée technique Mathias Adam zu Déifferdeng (ltma.lu) geschafft. Et war eng immens flott Zäit, wou ech vill Erfarung gesammelt hunn a mat ville léiew Leit geschafft hunn.
Am September 2023 hunn ech decidéiert, eng nei Erausfuerderung unzehuelen, an elo schaffen ech zu Réiser am Enseignement Fondamentale (https://www.roeserschool.lu/). Hei genéissen ech et immens, mat de Kanner ze schaffen an si op hirem Wee ze begleeden. Et ass eng Aarbecht voller Freed a Léieren – net nëmme fir d’Kanner, mä och fir mech selwer.
Basketball ass meng grouss Passioun! Ech päifen all Weekends leidenschaftlech Basketsmätcher 🏀 an engagéieren mech aktiv am Komitee vun den Basketballsarbitter (adabl.org). Do sinn ech Sekretär, Webmaster an och Instrukter, wou ech meng Erfarung un déi nächst Generatioun Arbitter weiderginn.
Et mécht mir richteg vill Freed ze gesinn, wéi jonk Arbitter wuessen a sech entwéckelen. De Sport ze ënnerstëtzen an dobäi selwer aktiv ze bleiwen, ass fir mech immens wichteg.
Ech si wierklech frou, datt ech a mengem Beruff an och a menger Fräizäit meng Passioune liewe kann – ob et elo d’Aarbecht mat de Kanner ass oder mäin Engagement am Basketball. Et geet drëm, ëmmer mat Häerz dobäi ze sinn an nei Erausfuerderungen unzegoen. 😊